​மூவரும் மலாயா ​​​​தீவிரவாதிகள், துவாரான் எம்.பி. சாடல்

முன்னாள் பிரதமர் துன் மகா​தீ​ர் முகமது, பாஸ் க​ட்சித் தலைவர் அப்துல் அவாங் ஹாடி மற்றும் கெடா மந்திரி பெசார் முகமட் சனூசி முகமட் ​நூர் ஆகிய மூவரும் மலாயா ​தீவிரவாதிகள் என்று சபாவைச் சேர்ந்த துவாரான் நாடாளுமன்ற உறுப்பினர் டத்தோஸ்ரீ வில்பிரட் மேடியஸ் டாங்காவ் சாடினார்.

இந்த ​மூவரும் ஒரே இன நாடாக மலேசியாவை மாற்றுவதற்கு முயற்சி செய்து கொண்டு இருக்கின்றனர். காலனித்துவக் காலத்திற்கு முன்னதாக தானா மேலாயு என்று ம​லாயா விளங்கியது. அதனை ​மீண்டும் நிலைநிறுத்தும் வகையில் இந்த ​மூவரின் அண்மையய கால பேச்சுக்கள் இ​ருக்கின்றன என்று வில்பிரட் மேடியஸ் சுட்டிக்காட்டினார்.

பல இனங்கள், பல சமய நம்பிக்கைகள் போன்றவற்றைப் புறந்தள்ளிவிட்டு ஒரே சமயம், ஒரே இனம் என்ற அளவில் மறுபடியும் தானா மேலாயு என்று மலேசியாவின் பெயரை மாற்றுவதற்கு இந்த மூன்று மலாயா ​தீவிரவாதிகளும் முயற்சி செய்து வருகின்றனர் என்று வில்பிரட் மேடியஸ் குற்றஞ்சாட்டினார்.

இன​ங்களுக்கு இடையிலான நல்லிணக்கத்​திற்கும், ஒற்றுமைக்கும்,சகிப்புத்தன்மைக்கும் இந்த ​மூவரும் ​தீ மூட்டி வருகின்றனர் என்று யு பி கே ஓ ( உப்கோ ) எனப்படும் கினபாலு முன்னேற்றக் கட்சியின் தலைவருமான வில்பிரட் மேடியஸ் குறிப்பிட்டார்.