கோத்தா பாரு, ஜூன்.14-
பாஸ் கட்சித் தலைவர் அப்துல் ஹாடி அவாங், அரசியலிருந்து ஓய்வு பெறப் போவதாக அறிவித்ததைத் தொடர்ந்து அவருக்கு மாற்றாக ஒருவரைக் கட்சியின் தலைவராக நியமிப்பது குறித்து இன்னும் முடிவு செய்யப்படவில்லை என்று கட்சியின் துணைத் தலைவர் துவான் இப்ராஹிம் துவான் மான் தெரிவித்துள்ளார்.
கடந்த 20 ஆண்டு காலமாக பாஸ் கட்சியின் தலைவராக இருந்து வரும் அப்துல் ஹாடி அவாங்கின் தலைமைத்துவம் குறித்து இதுவரை யாரும் கேள்வி எழுப்பியது இல்லை. எனவே பாஸ் கட்சிக்கு மாற்றுத் தலைவர் என்ற பேச்சுக்கு இப்போது இடமில்லை என்று துவான் இப்ராஹிம் விளக்கினார்.
