ஜசெக தோல்விக்குத் தார்மீகப் பொறுப்பேற்கிறேன்

கோத்தா கினபாலு, நவம்பர்.29-

சபா சட்டமன்றத் தேர்தலில் ஜசெக.வின் மோசமான செயல் திறனுக்குத் தார்மீகப் பொறுப்பேற்பதாக அதன் பொதுச் செயலாளர் அந்தோணி லோக் தெரிவித்தார்.

கடந்த 2020 ஆம் ஆண்டு சபா தேர்தலில் ஜசெக. வெற்றி பெற்ற 8 தொகுதிகளையும் இந்த முறை இழந்துள்ளது. 8 இடங்களில் ஜசெக. தோல்விக் கண்டதை அந்தோணி லோக் உறுதிப்படுத்தினார்.

சபா வாக்காளர்களின் முடிவை மதிப்பதாக அவர் குறிப்பிட்டார். சபா சட்டமன்றத் தேர்தலில் ஜசெக தோல்விக் கண்ட போதிலும் கட்சியின் இரண்டு பிரதிநிதிகள் இன்னமும் நாடாளுமன்ற உறுப்பினர்களாக இருப்பதை அந்தோணி லோக் சுட்டிக்காட்டினார்.

கோத்தா கினபாலு எம்.பி. சான் ஃபூங் ஹின் மற்றும் சண்டாகான் எம்.பி. விவியன் வோங் ஆகியோர் இன்னமும் நாடாளுமன்ற உறுப்பினர்களாக உள்ளனர் என்று போக்குவரத்து அமைச்சருமான அந்தோணி லோக் குறிப்பிட்டார்.