Nov 20, 2026
Thisaigal NewsYouTube

நெகிரி செம்பிலான் அமைதியான மாநிலம்: அரசியல் லாபத்திற்காக அதன் ஒற்றுமையைச் சீர்குலைக்க வேண்டாம் - ஃபாஹ்மி ஃபாட்சீல் வலியுறுத்து

திசைகள் செய்திப்பிரிவு
Share:
நெகிரி செம்பிலான் அமைதியான மாநிலம்:  அரசியல் லாபத்திற்காக அதன் ஒற்றுமையைச் சீர்குலைக்க வேண்டாம் - ஃபாஹ்மி ஃபாட்சீல் வலியுறுத்து

சிரம்பான், ஜூலை.26-

நெகிரி செம்பிலான் மாநிலத் தேர்தல் என்பது மாநிலத்தின் எதிர்காலத்தை தீர்மானிக்கும் ஜனநாயகப் போட்டியே தவிர, இனம் மற்றும் மதவாத உணர்வுகளைத் தூண்டவோ, அரச குடும்பத்தை அரசியல் விவாதத்திற்குள் இழுக்கவோ, அவதூறுகளைப் பரப்பி வாக்கு சேகரிக்கவோ பயன்படுத்தப்படும் மேடை அல்ல என்று அரசாங்க செய்தித் தொடர்பாளரும், தொடர்புத் துறை அமைச்சருமான டத்தோ ஶ்ரீ ஃபாஹ்மி ஃபாட்சீல் தெரிவித்துள்ளார்.

அரசியல் கட்சிகள் தங்களின் கொள்கைகளையும், கடந்த கால செயல்பாடுகளையும், மக்களின் பிரச்சினைகளுக்கான தீர்வுகளையும் முன்வைத்து, அதன் அடிப்படையில் போட்டியிட வேண்டும் என்றும் அவர் வலியுறுத்தியுள்ளார்.

இது குறித்து இன்று ஞாயிற்றுக்கிழமை நடைபெற்ற செய்தியாளர்கள் சந்திப்பில் ஃபாஹ்மி ஃபாட்சீல் கூறுகையில், மக்கள் அனுபவித்து வரும் வாழ்க்கை செலவின உயர்விலிருந்து அவர்களின் கவனத்தைத் திசை திருப்பும் நோக்கில், சில தரப்பினர் இனவாத உணர்வுகளைத் தூண்டியும், பொய்யான தகவல்களைப் பரப்பியும் வருவதாகத் தெரிவித்துள்ளார்.

ஓர் அரசியல் கட்சியிடம் புதிய யோசனைகள் இல்லாத போது, வெறுப்பையும் பிளவையும் விற்பதே அதன் அரசியலாக மாறுகிறது என்றும் ஃபாஹ்மி ஃபாட்சீல் குறிப்பிட்டுள்ளார்.

அதேவேளையில், தங்கள் செயல்பாடுகள் மற்றும் சாதனைகளில் நம்பிக்கை கொண்ட கட்சிகள், உண்மைகளையும் சாதனைகளையும் முன்வைத்தே மக்களிடம் வாக்கு சேகரிக்கும் என்றும் அவர் விவரித்துள்ளார்.

இதனிடையே, வாக்காளர்கள் வேலை வாய்ப்பு, வீடு, வாழ்க்கைச் செலவு குறைப்பு போன்ற அன்றாட பிரச்சினைகளுக்கான தீர்வுகளையே எதிர்பார்க்கின்றனர் என்று குறிப்பிட்டுள்ள ஃபாஹ்மி ஃபாட்சீல், இன மற்றும் மதவாத தூண்டுதலைத் தவிர்த்து, தேர்தல் பிரசாரமானது உண்மைகள் மற்றும் சட்டங்களை மதிக்கும் வகையில் இருக்க வேண்டும் என்றும் வலியுறுத்தியுள்ளார்.

மேலும், நெகிரி செம்பிலான் அமைதியான மாநிலம் என்றும், குறுகிய அரசியல் லாபத்திற்காக அதன் ஒற்றுமையை சீர்குலைக்கக் கூடாது என்றும் ஃபாஹ்மி ஃபாட்சீல் எச்சரித்துள்ளார்.

அதேவேளையில், வரும் ஆகஸ்ட் 1-ஆம் தேதி நடைபெறவுள்ள தேர்தலில், மக்கள், ஒற்றுமையை ஏற்படுத்தும் அரசியலுக்கும், பிளவை உருவாக்கும் அரசியலுக்கும் இடையிலான வித்தியாசத்தை உணர்ந்து, உண்மைக்காக செயல்படும் தலைமைக்கு தங்களின் வாக்குகளைச் செலுத்துவார்கள் என்றும் ஃபாஹ்மி ஃபாட்சீல் நம்பிக்கை தெரிவித்துள்ளார்.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in அரசியல் →
நெகிரி செம்பிலான் மந்திரி பெசார் பதவியில் நீடிக்க பெரும்பான்மை ஆதரவை நிரூபிக்க வேண்டும்: அரண்மனை அறிவிப்பு

நெகிரி செம்பிலான் மந்திரி பெசார் பதவியில் நீடிக்க பெரும்பான்மை ஆதரவை நிரூபிக்க வேண்டும்: அரண்மனை அறிவிப்பு

இளம் மலாய் வாக்காளர்களை மீண்டும் கவர ஹராப்பானுக்கு வாய்ப்பு

இளம் மலாய் வாக்காளர்களை மீண்டும் கவர ஹராப்பானுக்கு வாய்ப்பு

நெகிரி செம்பிலான் மந்திரி பெசார் பதவி விலகல் சர்ச்சை: மாநில ஆட்சியாளரை அம்னோ ஏமாற்ற முயன்றதா? – ஜசெக தலைவர் கேள்வி

நெகிரி செம்பிலான் மந்திரி பெசார் பதவி விலகல் சர்ச்சை: மாநில ஆட்சியாளரை அம்னோ ஏமாற்ற முயன்றதா? – ஜசெக தலைவர் கேள்வி

நெகிரி செம்பிலான் மாநில அரசியல் சர்ச்சையில் புதிய திருப்பம்: மந்திரி பெசாராக இஸ்மாயில் லாசிம் நீடிக்க ஆட்சியாளர் உத்தரவு

நெகிரி செம்பிலான் மாநில அரசியல் சர்ச்சையில் புதிய திருப்பம்: மந்திரி பெசாராக இஸ்மாயில் லாசிம் நீடிக்க ஆட்சியாளர் உத்தரவு

மலாக்கா மாநிலத்தின் புதிய ஆட்சிக்குழு பதவியேற்பு – 10 சட்டமன்ற உறுப்பினர்கள் உறுதிமொழி ஏற்பு

மலாக்கா மாநிலத்தின் புதிய ஆட்சிக்குழு பதவியேற்பு – 10 சட்டமன்ற உறுப்பினர்கள் உறுதிமொழி ஏற்பு

நெகிரி செம்பிலான் அரசியல் நெருக்கடி – நாளை முக்கிய அறிவிப்பு வெளியாகலாம்

நெகிரி செம்பிலான் அரசியல் நெருக்கடி – நாளை முக்கிய அறிவிப்பு வெளியாகலாம்