சலவைத்​தூளில் போதைப்பொருள், சுங்கத்துறை நடவடிக்கை

சலவைத் ​தூள் பாக்கெட்டுகளில் 33 லட்சத்து 60 ஆயிரம் வெள்ளி பெறுமானமுள்ள போதைப்பொருள் மறைத்து வைக்கப்பட்டு கடத்தப்படும் முயற்சியை சுங்கத்துறை முறியடித்துள்ளது. சபா, கோத்தா கினபாலுவில் உள் செபங்கர் துறைமுகத்தில் சுங்கத்துறை மேற்கொண்ட திடீர் சோதனை நடவடிக்கையில் சியாபு வகையைச் சே​ர்ந்த 100 கிலோ போதைப்பொருள் கைப்பற்றப்பட்டுள்ளது. இவ்வாண்டில் சபா சுங்கத்துறை கைப்பற்றியுள்ள மிகப்பெரிய அளவிலான போதைப்பொருள் இதுவாகும் என்று வர்ணிக்கப்பட்டுள்ளது. சிலாங்கூர், கோலக்கிள்ளானிலிருந்து வந்தடைந்த கொள்கலன் ஒன்றில் போதைப்பொருள் இருப்பதாக கிடைக்கப்பட்ட உளவுத்தகவலின் அடிப்படையில் இச்சோதனை மேற்கொள்ளப்பட்டதாக சுங்கத்துறை த​லைமை இயக்குநர் ஜாசுலி ஜோஹன் தெரிவித்தார்.