ஈப்போ லிட்டில் இந்தியாவில் இவ்வாண்டுக்கான தீபாவளிச் சந்தை களைகட்டியுள்ளது. இந்திய வர்த்தக சங்கத்தின் ஏற்பாட்டில், அக்டோபர் 24ஆம் தேதி தொடங்கிய இச்சந்தை, நவம்பர் 7ஆம் தேதி வரை 15 நாட்களுக்கு நடைபெறுகிறது.
இச்சந்தையில் சுமார் 86 கடைகள் அமைக்கப்பட்டுள்ளதாக ஈப்போ லிட்டில் இந்திய வர்த்தக சங்கத் தலைவர் ஜீவா கிருஷ்ணன் தெரிவித்தார். வழக்கமான வர்த்தகர்களும் பங்கேற்று வியாபாரம் செய்து வருவதாக அவர் குறிப்பிட்டார்.
வாகன நிறுத்தப் பிரச்சினைக்குத் தீர்வுகாணும் வகையில், வர்த்தக சங்கத்தின் பின்புறத்தில் ஒரே நேரத்தில் 200 முதல் 300 கார்கள் வரை நிறுத்தக்கூடிய தனியார் வாகன நிறுத்துமிட வசதி ஏற்பாடு செய்யப்பட்டுள்ளது. மேலும், அமைச்சர் மூலம் புதிய பொதுக் கழிப்பறை வசதியும் ஏற்படுத்தப்பட்டுள்ளதாக அவர் தெரிவித்தார்.
எனவே, பொதுமக்கள் தீபாவளிச் சந்தைக்கு வருகை தந்து, அங்குள்ள வர்த்தகர்களுக்கு ஆதரவு அளிப்பதுடன், தீபாவளியை மகிழ்ச்சியுடன் கொண்டாடுமாறும் ஜீவா கிருஷ்ணன் கேட்டுக் கொண்டார்.
