வியட்நாமின் Nha Trang நகரில் நடைபெற்ற மிஸ் வோர்ல்ட் 2026 அழகிப் போட்டியில் மலேசியாவின் தனுசியா செட்டி இரண்டாம் ரன்னர்-அப் பட்டத்தை வென்றார்.
26 வயதான தனுசியா, கடந்த 1998-ஆம் ஆண்டு மிஸ் வோர்ல்ட் போட்டியில் இதே இடத்தைப் பிடித்த லீனா தியோவுடன் இணைந்துள்ளார்.
இந்த ஆண்டு நடைபெற்ற 73-வது மிஸ் வோர்ல்ட் போட்டியில் 111 நாடுகளைச் சேர்ந்த போட்டியாளர்கள் கலந்து கொண்டனர்.
டோமினிகன் ரிபப்லிக் நாட்டின் Joheirry Mola Dominguez மிஸ் வோர்ல்ட் 2026 பட்டத்தை வென்ற நிலையில், ஸ்பெயின் நாட்டின் எலிசபெத் ரெய்னஸ் அலபெர்ன் முதல் ரன்னர்-அப் பட்டத்தைப் பெற்றார்.
அதேவேளையில், பியூட்டி வித் அ பெர்பஸ் என்ற பிரிவில் வெற்றி பெற்றதன் மூலம் தனுசியா, முதல் ஆறு சுற்றுக்குத் தகுதி பெற்றார்.
மேலும், சமூக நலத் திட்டங்களில் போட்டியாளர்களின் பங்களிப்பையும் அதன் தாக்கத்தையும் அடிப்படையாகக் கொண்டு இந்த விருது வழங்கப்படுகின்றது.
மேலும், கடந்த ஆகஸ்ட் 23-ஆம் தேதி நடைபெற்ற ஹெட் டு ஹெட் சேலஞ்ச் நிகழ்ச்சியில் ஆங்கிலம், மலாய், மெண்டரின், மற்றும் தமிழ் ஆகிய நான்கு மொழிகளில் தனுசியா பேசிய காணொளி சமூக வலைத்தளங்களில் வைரலாகி, மலேசியர்கள் மத்தியில் பெரும் கவனத்தைப் பெற்றது குறிப்பிடத்தக்கது.
