தீபாவளித் திருநாளை முன்னிட்டு, கோத்தா கெமுனிங் சட்டமன்ற உறுப்பினர் பிரகாஷ் சம்புநாதன், கருணை இல்லத்தில் வசிக்கும் சிறார்களுடன் மகிழ்ச்சியான தருணங்களைப் பகிர்ந்து கொண்டார்.
இதன் ஒரு பகுதியாக, சிறார்களுக்குப் புத்தாடைகள் வாங்கிக் கொடுத்ததுடன், அவர்களுடன் கடல் உணவு உணவகத்தில் இரவு விருந்திலும் கலந்து கொண்டார்.
மேலும், சிறார்களுடன் கலந்துரையாடி அவர்களின் அனுபவங்களைக் கேட்டறிந்ததோடு, தீபாவளிப் பரிசாகப் பணமும் வழங்கி மகிழ்வித்தார்.
பரிசுகளை வழங்குவதைவிட, அன்பையும் அக்கறையையும் பகிர்ந்து அவர்களுடன் நேரம் செலவிடுவதே இந்த நிகழ்ச்சியின் முக்கிய நோக்கமாக அமைந்தது.
இந்த நிகழ்ச்சிக்கு ஆதரவளித்த ராஜி சில்க் பேலஸ் நிறுவனத்திற்கும் நன்றி தெரிவிக்கப்பட்டது.
அதேவேளையில், உள்ளூர் வணிகர்களிடம் பொருட்களை வாங்குவதன் மூலமும், உள்ளூர் உணவகங்களை ஆதரிப்பதன் மூலமும் சமூகப் பொருளாதார வளர்ச்சிக்கு ஊக்கமளிக்க முடியும் என்பதையும் இந்த முயற்சி எடுத்துக் காட்டுகிறது.
சமூகம் சமூகத்திற்கு ஆதரவாக! என்ற உயரிய சிந்தனையுடன் இந்தத் தீபாவளி நிகழ்ச்சி அமைந்தது.
கருணை இல்ல குழந்தைகளுடன் இணைந்து பிரகாஷ் சம்புநாதன், தீபாவளி நல்வாழ்த்துகளை தெரிவித்துக் கொண்டார்.
