Nov 21, 2026
Thisaigal NewsYouTube

பிபா உலகக் கோப்பை 2026: அதிகாரப்பூர்வ ஒளிபரப்பாளர்களாக ஆர்டிஎம், யுனிஃபை டிவி அறிவிப்பு

திசைகள் செய்திப்பிரிவு
Share:
பிபா உலகக் கோப்பை 2026: அதிகாரப்பூர்வ ஒளிபரப்பாளர்களாக ஆர்டிஎம், யுனிஃபை டிவி அறிவிப்பு

தேசிய ஒளிபரப்பு சேவை நிறுவனமான ஆர்டிஎம் மற்றும் யூனிஃபை டிவி ஆகியவை, 2026 -ஆம் ஆண்டு பிபா உலகக் கோப்பை போட்டிகளுக்கான மலேசியாவின் அதிகாரப்பூர்வ ஒளிபரப்பாளர்களாக அறிவிக்கப்பட்டுள்ளன.

இது குறித்து அரசாங்க செய்தித் தொடர்பாளர் ஃபஹ்மி ஃபாட்சில் நேற்று வெளியிட்டுள்ள தகவலில், அனைத்து போட்டிகளையும் யூனிஃபை டிவி நேரலையாக ஒளிபரப்பும் என்றும், பெரும்பாலான போட்டிகளை ஆர்டிஎம் ஒளிபரப்பும் என்றும் தெரிவித்துள்ளார்.

உலகக்கோப்பை போட்டிகள், ஆர்டிஎம் மற்றும் யூனிஃபை டிவியின் பல்வேறு தளங்கள் வழியாக இலவசமாக ஒளிபரப்பப்படும் என்றும் அவர் குறிப்பிட்டுள்ளார்.

அவற்றில், ஆர்டிஎம் கிளிக் நேரலைத் தளமும் இடம்பெற்றுள்ளது.

2026-ஆம் ஆண்டு பிபா உலகக் கோப்பையானது கனடா, மெக்சிகோ மற்றும் அமெரிக்காவில் நடைபெறவுள்ளது.

வரலாற்றிலேயே முதன்முறையாக இதில் 48 நாடுகள் பங்கேற்கவுள்ளது குறிப்பிடத்தக்கது.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in விளையாட்டு →