ஃபிபா உலகக் கோப்பை 2026 தொடரின் ரவுண்ட்-32 சுற்றில் பிரேசில் அணியை எதிர்கொள்ளவிருக்கும் ஜப்பான் அணிக்கு பெரும் பின்னடைவு ஏற்பட்டுள்ளது. ஜப்பான் அணியின் நட்சத்திர விங்கரான தகேஃபுசா குபோ, இடது முழங்காலில் ஏற்பட்ட காயம் காரணமாக இந்த முக்கியப் போட்டியில் இருந்து அதிகாரப்பூர்வமாக விலகியுள்ளார்.
அவருக்கு செய்யப்பட்ட எம்ஆர்ஐ பரிசோதனையில் இடது முழங்காலில் காயம் ஏற்பட்டிருப்பது உறுதி செய்யப்பட்டுள்ளது. ரியல் சோசிடேட் கிளப் அணிக்காக விளையாடும் குபோ, ஜப்பான் அணியின் முக்கிய தூணாக விளங்குபவர் என்பதால் இவரின் விலகல் அணியின் தாக்குதல் ஆட்டத்தை பாதிக்கக்கூடும் என்று கருதப்படுகிறது. ஹூஸ்டனில் உள்ள என்ஆர்ஜி ஸ்டேடியத்தில் இன்று நடைபெறும் இப்போட்டியில் குபோ தவிர, கேப்டன் வதாரு எண்டோ, காவ்ரு மிடோமா மற்றும் தகுமி மினாமினோ ஆகிய முக்கிய வீரர்களும் காயம் காரணமாக விளையாடவில்லை என்பது குறிப்பிடத்தக்கது.
