ஆசிய விளையாட்டு போட்டிகளில் 87 பதக்கங்களுடன் இந்தியா பதக்க பட்டியலில் 4-வது இடத்தில் உள்ளது.
45 நாடுகளை சேர்ந்த வீரர், வீராங்கனைகள் பங்கேற்றுள்ள 19-வது ஆசிய விளையாட்டு போட்டி சீனாவின் ஹாங்சோவ் நகரில் நடந்து வருகிறது. இறுதிகட்டத்தை
நெருங்கியுள்ள இந்த போட்டி தொடரில் 13-வது நாளான நேற்று மட்டும் இந்தியா 3 தங்கம், 1 வெள்ளி, 3 வெண்கலம் என 7 பதக்கங்களை வென்றது.
ஆசிய விளையாட்டு தொடரில் இதுவரை 21 தங்கம், 32 வெள்ளி, 34 வெண்கலம் என மொத்தம் 87 பதக்கங்களை வென்றுள்ளது. பதக்க பட்டியலில் 4 ஆம் இடத்தில் இந்திய அணி உள்ளது.
14-வது நாளான இன்றும் ஆசிய விளையாட்டு போட்டிகள் விறு விறுப்பாக நடைபெற்று வருகின்றன. இந்திய அணி இன்றும் பதக்க வேட்டையை தொடர்ந்து நடத்தி
பதக்கத்தில் சதமடிக்கும் என்று எதிர்பார்க்கப்படுகிறது.
