கோலாலம்பூர், மார்ச்.13-
ஜோகூர் பூப்பந்து விளையாட்டு ஆலோசகராகவும் மாநில விளையாட்டுத் தூதராகவும் தாம் நியமிக்கப்பட்டுள்ளதை தேசிய பூப்பந்து ஜாம்பவான் டத்தோ லீ சோங் வெய் பெருமிதமாகக் கருதுகிறார். துங்கு மகோத்தா இஸ்மாயில் அவ்வாறு செய்து தம்மை அங்கீகரித்து பெருமைப்படுத்தியிருப்பதாக அவர் குறிப்பிட்டுள்ளார்.
ஜோகூர் சுல்தான் துங்கு மஹ்கோடா இஸ்மாயிலின் பட்டியலில், ஜோகூர் விளையாட்டுத் தூதராக நியமிக்கத் தகுதியானவர்களில் ஒருவராக சோங் வெய் முன்னதாக இருந்தார். அந்நியமனம் குறித்து கருத்து தெரிவித்த சோங் வெய், தனக்கு வழங்கப்பட்ட பொறுப்புகளை தன்னால் இயன்றவரை நிறைவேற்றுவதாக உறுதியளித்தார். அதேவேளை, இதனை ஓர் அசாதாரண வாய்ப்பாகக் கருதுவதாகவும் குறிப்பிட்டார்.
“பூப்பந்து ஆலோசகராகவும், ஜோகூர் விளையாட்டுத் தூதராகவும் நான் நியமிக்கப்பட்டதன் மூலம் துங்கு இஸ்மாயில் அளித்த நம்பிக்கையால் நான் மிகவும் பெருமைப்படுகிறேன். இந்த உறுதிப்பாட்டை நான் பகிர்ந்து கொள்கிறேன். மேலும் ஜோகூர் மற்றும் மலேசியாவில் விளையாட்டு வளர்ச்சியை முன்னேற்றுவதற்கு என்னால் முடிந்த அனைத்தையும் செய்வேன்" என்று சோங் வெய் கூறினார்.
மூன்று ஒலிம்பிக் வெள்ளிப் பதக்கம் வென்றவர்கள் தவிர, பல உலகத் தரம் வாய்ந்த விளையாட்டு வீரர்களும் நாட்டின் தெற்கு மாநிலத்தில் விளையாட்டு மற்றும் இளைஞர் மேம்பாட்டுத் திட்டங்களை இயக்கும் முயற்சியில் பெயரிடப்பட்டனர்.
சோங் வெய் மூன்று முறை ஒலிம்பிக்கில் வெள்ளி பதக்கம் வென்றவர் என்பது குறிப்பிடத்தக்கது.
