பேங்காக், டிசம்பர்.12-
தாய்லாந்து தலைநகர் பேங்காக்கில் நடைபெற்று வரும் சீ விளையாட்டுப் போட்டியில் மலேசிய கராத்தே வீராங்கனை சி. ஷாமலாராணி, தங்கம் வென்று சாதனைப் படைத்துள்ளார்.
27 வயது ஷாமலாராணி, மகளிர் 50 கிலோவுக்கும் குறைவான குமித்தே பிரிவில் மியன்மாரைச் சேர்ந்த Florerence Nay Chi Htun என்பவரை நான்குக்கு பூஜியம் என்ற புள்ளிக் கணக்கில் வீழ்த்தி தங்கத்தை வென்றுள்ளார்.
சீ விளையாட்டுப் போட்டியில் ஷாமலாராணி தங்கத்தை வென்றது இது மூன்றாவது முறையாகும். ஏற்கனவே 2021 இல் வியட்னாமில் ஒரு தங்கத்தையும்,2023 இல் கம்போடியாவில் ஒரு தங்கத்தையும் வென்றுள்ளார். தொடர்ச்சியாக மூன்று முறை தங்கத்தை வென்றது மூலம் ஷாமலாராணி ஹாட்ரிக் வெற்றியைப் பதிவுச் செய்துள்ளார்.
