நேற்று நடைபெற்ற சீரி ஏ கால்பந்து போட்டிகளின் முடிவுகள், இத்தாலிய லீக் அட்டவணையில் பெரும் மாற்றங்களை ஏற்படுத்தியுள்ளன. குறிப்பாக, ஏசி மிலன் அணி தோல்வியடைந்ததைத் தொடர்ந்து, இன்டர் மிலன் தனது முதலிடத்தைத் தக்கவைத்துக் கொள்வதற்கான வாய்ப்பு பிரகாசமாகியுள்ளது.
நிம்மதி பெருமூச்சு விடும் இன்டர் லீக் பட்டத்தை வெல்லும் 'ஸ்குடெட்டோ' பந்தயத்தில், இன்டர் மிலனுக்கு கடும் சவாலாக விளங்கும் ஏசி மிலன், நேற்று லசியோ அணிக்கு எதிரான ஆட்டத்தில் 1-0 என்ற கோல் கணக்கில் அதிர்ச்சித் தோல்வியடைந்தது. இந்தத் தோல்வியின் மூலம், முதலிடத்தில் உள்ள இன்டர் மிலன் அணியை நெருங்கும் பொன்னான வாய்ப்பை ஏசி மிலன் தவறவிட்டுள்ளது. இதன் விளைவாக, இன்டர் மிலன் அணி புள்ளிப் பட்டியலில் தனது பலமான நிலையைத் தொடர்ந்து தக்கவைத்துள்ளது.
டாப் 4 இடத்தைப் பிடித்த கோமோ மற்றொரு பரபரப்பான ஆட்டத்தில், செஸ்க் பாப்ரிகாஸ் தலைமையிலான கோமோ அணி 2-1 என்ற கணக்கில் ரோமாவை வீழ்த்தி வரலாற்றுச் சாதனை படைத்துள்ளது. இந்தப் வெற்றியின் மூலம், ஜுவென்டஸ் மற்றும் ரோமா போன்ற முன்னணி அணிகளைப் பின்னுக்குத் தள்ளி, கோமோ அணி புள்ளிப் பட்டியலில் நான்காவது இடத்திற்கு முன்னேறியுள்ளது.
இதன் மூலம், அடுத்த சீசன் சாம்பியன்ஸ் லீக் தொடருக்குத் தகுதிபெறும் வாய்ப்பை கோமோ அணி முதன்முறையாகத் தட்டிப்பறிக்கும் முனைப்பில் உள்ளது. தற்போது கோமோ 54 புள்ளிகளுடன் நான்காவது இடத்தில் நீடிக்கிறது.
