கோலாலம்பூர், ஜூன்.17-
ஃஎப்ஐஎச் நேஷன்ஸ் கிண்ண ஹாக்கி போட்டியில் மலேசியா நியூசிலாந்திடம் 3-4 என்ற கோல்களில் தோல்வி கண்டது. பி குழுவுக்கான அவ்வாட்டத்தின் தொடக்கத்தில் முன்னணி வகித்தாலும், இறுதியில் மலேசியாவுக்கு ஏமாற்றமே மிஞ்சியது.
புக்கிட் ஜாலில் அரங்கில் நடைபெற்ற அவ்வாட்டத்தின் முற்பாதியில் இரு அணிகளும் கோலேதும் போடவில்லை. பிற்பாதியில் 18 ஆவது நிமிடத்தில் மலேசியா ஒரு கோலை அடித்து கோல் வேட்டையைத் தொடக்கி வைத்தது. அது மேலும் இரு கோல்களைப் புகுத்தியது. வெற்றி மலேசியாவுக்குச் சாதகமாக அமையும் என எதிர்ப்பார்த்திருந்த வேளையில், நியூசிலாந்து எழுச்சி மிகுந்த ஆட்டத்தை வெளிப்படுத்தி ஒன்றன் பின் ஒன்றாக நான்கு கோல்களை அடித்து வெற்றியைத் தன்வசம் ஆக்கியது.
தோல்வியுற்றதால், அரையிறுதிக்கு முன்னேறும் மலேசியாவும் வாய்ப்பு சற்று பாதிக்கப்பட்டுள்ளது. பி குழுவில் மலேசியா தற்போது மூன்றாவது இடத்தில் இருக்கிறது.
