Nov 21, 2026
Thisaigal NewsYouTube

2028 ஒலிம்பிக் இலக்கு: ஆரோன் சியா - சோ வூய் யிக் ஜோடியைப் பிரித்து மலேசிய பந்துமினோன் சங்கம் அதிரடி மாற்றம்!

திசைகள் செய்திப்பிரிவு
Share:
2028 ஒலிம்பிக் இலக்கு: ஆரோன் சியா - சோ வூய் யிக் ஜோடியைப் பிரித்து மலேசிய பந்துமினோன் சங்கம் அதிரடி மாற்றம்!

2028 லாஸ் ஏஞ்சல்ஸ் ஒலிம்பிக் போட்டியை இலக்காகக் கொண்டு, மலேசியப் பந்துமினோன் சங்கம் நாட்டின் முன்னணி ஆண்கள் இரட்டையர் பிரிவில் ஒரு அதிரடி மாற்றத்தை மேற்கொண்டுள்ளது. உலகத் தரம் வாய்ந்த சோ வூய் யிக் மற்றும் ஆரோன் சியா ஜோடியைப் பிரித்து, அவர்களுக்குப் புதிய இணைகளை உருவாக்க பயிற்சியாளர்கள் குழு முடிவு செய்துள்ளது.

இதன்படி, சீன ஓபன் தொடரில் அனுபவமிக்க ஆரோன் சியா, இளம் வீரரான ஆரோன் தாயுடன் இணைந்து விளையாடவுள்ளார். மற்றொரு முன்னணி வீரரான சோ வூய் யிக், மான் வெய் சோங்குடன் ஜோடி சேர்ந்து களம் இறங்குவார் என்று அறிவிக்கப்பட்டுள்ளது. 2028 ஒலிம்பிக்கில் தங்கம் வெல்வதையே முக்கிய நோக்கமாகக் கொண்டு, அனுபவமிக்க வீரர்களையும் இளம் திறமையாளர்களையும் ஒன்றிணைக்கும் உத்தியாக இந்த முடிவு எடுக்கப்பட்டுள்ளதாக தேசிய இரட்டையர் பிரிவு பயிற்றுனர் இயக்குனர் ரெக்சி மைனாகி விளக்கியுள்ளார்.

முன்னாள் உலக சாம்பியன்களான ஆரோன்-வூய் யிக் ஜோடியைத் தற்காலிகமாகப் பிரிப்பது என்ற இந்த முக்கிய முடிவு, தலைமைப் பயிற்சியாளர் ஹெர்ரி இமான் பியர்ன்காடி மற்றும் செயல்திறன் குழுத் தலைவர் டத்தோஸ்ரீ லீ சோங் வெய் ஆகியோருடன் கலந்தாலோசித்த பின்னரே எடுக்கப்பட்டது. ஒலிம்பிக் தகுதிச் சுற்றுகள் அடுத்த ஆண்டு தொடங்க உள்ள நிலையில், அதற்கு முன்பாகவே மாற்று ஜோடிகளின் ஒருங்கிணைப்பையும் திறனையும் சோதித்துப் பார்ப்பதே இதன் முக்கிய நோக்கமாகும். எனினும், உலக சாம்பியன்ஷிப் போன்ற முக்கியத் தொடர்களில் தரவரிசைப் புள்ளிகளின் அடிப்படையில் அவர்கள் தங்களின் அசல் ஜோடியுடனேயே தொடர்ந்து விளையாடுவார்கள் என்றும் தெளிவுபடுத்தப்பட்டுள்ளது.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in விளையாட்டு →