வாஷிங்டன், பிப்ரவரி.11-
அமெரிக்கா, சிக்காகோவில் நடைபெற்று வரும் 2026 விண்டி சிட்டி ஸ்குவாஷ் போட்டியில் தேசியத் தாரகை எஸ். சிவசங்கரியின் போராட்டம் முடிவுக்கு வந்துள்ளது. காலிறுதியில் அவர் உலகின் ஐந்தாம் நிலை வீராங்கனையான எகிப்தின் நூர் எல் ஷெர்மினியிடம் அவர் தோல்வி கண்டார்.
51 நிமிடங்கள் வரை நீடித்த அப்போட்டியில் உலகின் ஆறாவது இடத்தில் இருக்கும் எஸ்.சிவசங்கரி கடுமையான போட்டியைக் கொடுத்தார். எனினும் இறுதியில் வெற்றி சாதகமாக அமையவில்லை என்பதால் அவர் அரையிறுதிக்கு முன்னேறும் வாய்ப்பைப் பறி கொடுத்தார்.
