Nov 21, 2026
Thisaigal NewsYouTube

மலேசியப் பேட்மிண்டன் சங்கத்திலிருந்து விலகுவதாக வெளியான செய்தியை மறுத்தார் தேசிய வீரர் ஹைக்கல் நஸ்ரி!

திசைகள் செய்திப்பிரிவு
Share:
மலேசியப் பேட்மிண்டன் சங்கத்திலிருந்து விலகுவதாக வெளியான செய்தியை மறுத்தார் தேசிய வீரர் ஹைக்கல் நஸ்ரி!

மலேசியப் பேட்மிண்டன் சங்கத்திலிருந்து தான் விலகப் போவதாக சமூக வலைதளங்களில் பரவி வரும் வதந்திகளைத் தேசிய ஆண்கள் இரட்டையர் பிரிவு வீரர் முகமட் ஹைக்கல் நஸ்ரி திட்டவட்டமாக மறுத்துள்ளார்.

கடந்த மாதம் நடைபெற்ற சுவிஸ் ஓபன் போட்டியிலிருந்து காயம் காரணமாக ஹைக்கல் நஸ்ரி விலகியது, அவருக்கும் தேசிய ஆண்கள் இரட்டையர் பிரிவு தலைமைப் பயிற்சியாளர் ஹெர்ரி இமான் பியர்ன்காடிக்கும் இடையே சிறிய மனவருத்தத்தை ஏற்படுத்தியது. இதன் தொடர்ச்சியாக, ஹைக்கல் நஸ்ரி தனது பதவியை ராஜினாமா செய்ய கடிதம் வழங்கியதாகத் தகவல்கள் பரவின.

இந்த வதந்திகள் குறித்துப் பேசிய பயிற்சியாளர் ஹெர்ரி, "ஹைக்கல் நஸ்ரி விலகுவதாக வரும் செய்திகளில் உண்மையில்லை. அவர் இன்னும் மலேசியப் பேட்மிண்டன் சங்கத்துடன்தான் இருக்கிறார். அவர் தனது தவறுக்காக என்னிடம் மன்னிப்புக் கேட்டுக்கொண்டார், அதனை நான் ஏற்றுக்கொண்டேன்," என்று விளக்கம் அளித்துள்ளார். மேலும், ஹைக்கல் தனது அர்ப்பணிப்பை உறுதிப்படுத்தும் வகையில் எழுத்துப்பூர்வமான கடிதம் ஒன்றையும் சமர்ப்பித்துள்ளதாகத் தெரிவிக்கப்பட்டுள்ளது.

தற்போது சுங் ஹோன் ஜியன் உடனான கூட்டணியை முறித்துக் கொண்ட 23 வயதான ஹைக்கல் நஸ்ரி, இப்போது பிரையன் ஜெர்மி என்பவருடன் இணைந்து விளையாடத் தொடங்கியுள்ளார். அடுத்த மாதம் நடைபெறவுள்ள தாய்லாந்து ஓபன் போட்டியில் இந்தப் புதிய இணை களமிறங்கவுள்ளது. தனது தரவரிசையை உலக அளவில் முதல் 32 இடங்களுக்குள் கொண்டு வருவதே தற்போதைய இலக்கு என ஹைக்கல் நஸ்ரி நம்பிக்கை தெரிவித்துள்ளார்.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in விளையாட்டு →