Nov 21, 2026
Thisaigal NewsYouTube

ஆசிய பேட்மிண்டன் சாம்பியன்ஷிப் 2026: மலேசியாவின் சென் டாங் ஜி - தோ ஈ வீ ஜோடி அதிர்ச்சி தோல்வி!

திசைகள் செய்திப்பிரிவு
Share:
ஆசிய பேட்மிண்டன் சாம்பியன்ஷிப் 2026: மலேசியாவின் சென் டாங் ஜி - தோ ஈ வீ ஜோடி அதிர்ச்சி தோல்வி!

சீனாவில் நடைபெற்று வரும் 2026 ஆசிய பேட்மிண்டன் சாம்பியன்ஷிப் காலிறுதிப் போட்டியில், மலேசியாவின் முன்னணி கலப்பு இரட்டையர் ஜோடியான சென் டாங் ஜி - தோ ஈ வீ அதிர்ச்சி தோல்வியடைந்து தொடரிலிருந்து வெளியேறினர். நிங்போ ஒலிம்பிக் விளையாட்டு மையத்தில் நடைபெற்ற இந்த ஆட்டத்தில், உலகின் 4-ஆம் நிலை வீரர்களான இவர்கள், தரவரிசையில் 147-வது இடத்தில் உள்ள தென் கொரியாவின் கிம் ஜே ஹியோன் - ஜாங் ஹா ஜியோங் இணையிடம் வீழ்ந்தனர்.

46 நிமிடங்கள் நீடித்த இந்தப் போட்டியில், சென் டாங் ஜி - தோ ஈ வீ ஜோடி 19-21, 17-21 என்ற நேர் செட்களில் தோல்வியைத் தழுவியது. முதல் ஆட்டத்தில் மலேசிய ஜோடி முன்னிலை வகித்தாலும், முக்கியமான கட்டங்களில் புள்ளிகளைக் கோட்டை விட்டது எதிரணிக்குச் சாதகமாக அமைந்தது. இரண்டாவது ஆட்டத்தில் கொரிய ஜோடி சிறப்பான ஆட்டத்தை வெளிப்படுத்தி மலேசியர்களுக்குப் பதிலடி கொடுக்க வாய்ப்பளிக்காமல் வெற்றியை உறுதி செய்தது. இந்த வெற்றியின் மூலம் கொரிய ஜோடி அரையிறுதிக்கு முன்னேறியுள்ளது.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in விளையாட்டு →