சிலாங்கூர் மாநிலத்தில் இதுவரை நிதியுதவி கிடைக்காத 12 தமிழ்ப்பள்ளிகளுக்கும் இம்மாத இறுதிக்குள் நிதி வழங்கப்படும் என அம்மாநில முதல்வர் டத்தோ ஶ்ரீ அமிருடின் ஷாரி உறுதியளித்துள்ளார்.
அதேவேளையில் தமிழ்ப்பள்ளிகளுக்கான நிதி ஒதுக்கீட்டை மேலும் அதிகரிக்கவும் தயாராக இருப்பதாக அவர் தெரிவித்துள்ளார்.
நேற்று சனிக்கிழமை, கிள்ளானில் உள்ள டத்தாரான் கிளாங், பாடாங் செட்டியில் நடைபெற்ற 2026-ஆம் ஆண்டு, சிலாங்கூர் மாநில தீபாவளிக் கொண்டாட்ட நிகழ்ச்சியில் உரையாற்றிய அமிருடின் ஷாரி, கல்வியே அழிவில்லாத செல்வம் என்பதை வலியுறுத்தும் திருக்குறள் 400-ஐ மேற்கோள் காட்டி கல்வியின் முக்கியத்துவத்தை எடுத்துரைத்தார்.
முன்னதாக, சிலாங்கூர் மாநிலத் தமிழ்ப்பள்ளிகளுக்கு 5 மில்லியன் ரிங்கிட் நிதியுதவியும், லிமாஸ் திட்டத்தின் கீழ் வழிபாட்டுத் தலங்களுக்கு 2.012 மில்லியன் ரிங்கிட் நிதியுதவியும் அமிருடின் வழங்கினார்.
மேலும், சிலாங்கூர் இந்தியத் தொழில்முனைவோர் மேம்பாட்டுத் திட்டமான i-SEED-இன் கீழ் 200 பயனாளிகளுக்கு உபகரண உதவிகளும் வழங்கப்பட்டன.
