2026 தமிழக சட்டமன்றத் தேர்தலில், நடிகர் விஜய் தலைமையிலான தமிழக வெற்றிக் கழகமான தவெக 108 இடங்களை வென்று தனிப்பெரும் கட்சியாக உருவெடுத்துள்ள நிலையில் ஆட்சி அமைக்கத் தேவையான 118 இடங்களை எட்டாததால் ஆட்சி அமைப்பதில் தொடர்ந்து அரசியல் இழுபறி நிலவி வருகிறது.
தவெக தலைவர் விஜய், ஆளுநர் ராஜேந்திர விஸ்வநாத் அர்லேகரைச் சந்தித்து ஆட்சி அமைக்க உரிமை கோரியுள்ளார். ஆனால், பெரும்பான்மைக்கான ஆதாரத்தைத் தாக்கல் செய்ய ஆளுநர் அறிவுறுத்தியுள்ளதால், பதவியேற்பு விழா தாமதமாகி வருகிறது.
ஒருவேளை தனிப்பெரும் கட்சியான தவெக-வை ஆட்சி அமைக்க அழைக்காமல், திமுக அல்லது அதிமுக ஆட்சி அமைக்க முயன்றால், விஜய்யின் தவெக-வின் அனைத்து 108 எம்.எல்.ஏ-க்களும் ஒட்டுமொத்தமாக ராஜினாமா செய்வார்கள் என அக்கட்சி இன்று எச்சரிக்கை விடுத்துள்ளது.
