பெய்ஜிங்: சீனாவில் புகழ்பெற்ற சமூக வலைதளப் பிரபலம் ஒருவர், தனது ரசிகர்களுடன் நேரலையில் உரையாடிக்கொண்டிருந்த போதே திடீரென உயிரிழந்தது சோகத்தை ஏற்படுத்தியுள்ளது.
நேரலையின் போது திடீரென தலைவலிப்பதாகக் கூறி தலையைப் பிடித்துக்கொண்ட அவர், "என்னால் முடியவில்லை, நான் விழப்போகிறேன்" என்று கூறினார். அடுத்த சில நிமிடங்களில் அவர் கேமராவின் முன்னாலேயே சரிந்து விழுந்தார். ரசிகர்களின் கண் முன்னாலேயே நடந்த இந்தச் சம்பவம் பெரும் அதிர்ச்சியை ஏற்படுத்தியுள்ளது. சீனாவில் இளம் சமூக வலைதளப் பிரபலங்கள் அதிக வருமானத்திற்காக ஓய்வில்லாமல் உழைப்பதும், அதன் விளைவாக ஏற்படும் உடல்நலக் கோளாறுகளும் தற்போது பெரும் விவாதமாக மாறியுள்ளது.
