அமெரிக்கா, ஜூலை 01-
விண்வெளிக்குச் சென்ற 4வது இந்தியர் ஆன பெண்மணியை பற்றி பலருக்கும் தெரியவில்லை. இவர் தனது சிறுவயது காலத்தை இந்தியாவில் கழித்தார். சிரிஷா பண்ட்லா தற்போது இவர் மிகப்பெரிய சாதனையை செய்துள்ளார்.
சிரிஷா பண்ட்லா ஒரு இந்திய-அமெரிக்க வானூர்தி பொறியாளர் மற்றும் விண்வெளி சுற்றுலாப் பயணி ஆவார். அவர் தற்போது ரிச்சர்ட் பிரான்சனின் விர்ஜின் கேலக்டிக் நிறுவனத்தில் அரசாங்க விவகாரங்கள் மற்றும் ஆராய்ச்சி நடவடிக்கைகளின் துணைத் தலைவராக பணியாற்றுகிறார்.
ராகேஷ் ஷர்மா, கல்பனா சாவ்லா மற்றும் சுனிதா வில்லியம்ஸ் ஆகியோருக்கு அடுத்து, விர்ஜின் கேலக்டிக் யூனிட்டி 22 மிஷனில் பறந்தபோது, விண்வெளிக்குச் சென்ற இந்தியாவில் பிறந்த இரண்டாவது பெண்மணி மற்றும் கர்மான் எல்லையைத் தாண்டிய நான்காவது இந்திய வம்சாவளி பெண்மணி என்ற பெயர்பெற்றார்.
ஆந்திராவின் குண்டூர் மாவட்டத்தில் பிறந்த பண்ட்லா, தெலுங்கு இந்து குடும்பத்தைச் சேர்ந்தவர் ஆவார். தனது ஆரம்ப ஆண்டுகளில், ஹைதராபாத்தில் உள்ள தனது தாத்தாவின் வீட்டிற்கும், தெனாலியில் உள்ள தனது பாட்டி வீட்டிற்கும் செல்வது வாடிக்கையாக இருந்தது.
