ஃபைலைதுபாய் விமானத்தில் இந்த வாரம் நடந்த வன்முறைச் சம்பவத்தில், துணை விமானி அவசரகால கோடரியைப் பயன்படுத்தி விமானியின் மீது தாக்குதல் நடத்தி, விமானத்தைக் கட்டுப்படுத்த முயன்றதாக ஐக்கிய அரபு சிற்றரசின் சட்டத்துறை தலைவர் அஹ்மாட் சைஃப் அல்-ஷாம்சி தெரிவித்துள்ளார்.
இந்தச் சம்பவத்தில் துணை விமானி பயங்கரவாதச் செயலை மேற்கொள்ள முயன்றதாக முதற்கட்ட விசாரணையில் தெரியவந்துள்ளதாக அவர் கூறினார்.
துபாயிலிருந்து டெல் அவிவ் நோக்கிச் சென்ற ஃபைலைதுபாய் FZ1073 விமானத்தில் 174 பயணிகள் இருந்தனர்.
கடந்த புதன்கிழமை நடந்த இந்த சம்பவத்தைத் தொடர்ந்து, விமானம் அவசரமாக சவுதி அரேபியாவின் தபுக் நகரிலுள்ள பிரின்ஸ் சுல்தான் பின் அப்துலாஸிஸ் அனைத்துலக விமான நிலையத்தில் தரையிறங்கியது.
சம்பவத்துக்கான காரணம், நோக்கம் மற்றும் அதனுடன் தொடர்புடைய விவகாரங்கள் குறித்து விசாரணை தொடர்ந்து நடைபெறுவதாகவும், முழுமையான விசாரணை முடிந்ததும் இறுதி முடிவுகள் அறிவிக்கப்படும் என்றும் அவர் தெரிவித்தார்.
